Saturday, October 22, 2011

All About Shayari

Chalo Kuch Khawab Bunte hen
Chalo kuch khawab bunte hen

Chalo kuch phool chunte hen

Kisi se apni kehte hen

Kisi se us ki sunte hen

Chalo kuch kha wab bunte hen

Chalo kuch adh khilye gunche

Chalo kuch khush mehak kaliyan

Chalo kuch sher kehte hen

Unhen phir gungunate hen

Kisi ka dil churate hen

Gham e jaana ke pehlo me

Gham e doraan solate hen

Tasali dil ko dete hen

Zara sa muskurate hen

Chalo kuch khawab bunte hen
 




Teri yaad nay meray dil ko saja rakha hai
teray pyar main sab ko bhula rakha hai
kuch acha nahin legta teri judai kay baad
ek teri yaad ko sinay say laga rakha hai
tera milna to abb aik khawab hi lagta hai
najanay abb kyoon dil ko bhula rakha hai
sab kuch lut gaya hamara teray pyar main
teri yaad ko palkoon main chupa rakha hai
muqadar say miltay hain bichar kay warna
ajj bhi tera naam dil main saja rakha hai
najanay koi nahin basta teray siva ankh main
aik teri tasveer ko dil main chupa rakha hai ”




Dabi dabi si wo muskurahat labon pe apne saja saja k
wo narm lahje main baat karna ada se nazrain jhuka k
wo aankh teri shararati si wo zulf mathay pe nachti si
nazar hatay na aik pal bhi main thak gaya hoon hata hata k
wo tera hathon ki unglion ko mila k zulfon main kho sa jana
haya ko chehre pe phir sajana phool sa chahra khila khila k
wo hath hooron k ghar hoon jaise wo paon pariyon k par hoon jaise
nahi hai teri misaal jaana main thak gaya hoon bata bata k….!!



Guzray Huay Taweel Zamanay Kay Baad Bhi
Dil Main Raha Woh Choor Kay Janay Kay Baad Bhi

Pehlu Main Reh Kay Dil Nay Dia Hai Bohat Faraib
Rakha Hai Us Ko Yaad Bhulanay Kay Baad Bhi

Qurbat Kay Baad Aur Bhi Qurbat Ki Talash
Dil Mutmain Nahin Hai Teray Aanay Kay Baad Bhi

Go Tu Yahan Nahin Hai Mager Tu Yahein Pay Hai
Tera Hi Zikar Hai Teray Janay Kay Baad Bhi

Lagta Hai Kuch Kaha Hi Nahin Hai Ussay Adeem
Dil Ka Tamam Haal Sunanay Kay Baad Bhi

No comments:

Post a Comment